NAIBU
Kamishna wa Uhamiaji, ambaye ni Afisa Uhamiaji Mkoa wa Dodoma, Norah
Massawe amesema jumla ya Wahamiaji haramu 38 walikamatwa katika maeneo
mbalimbali ya Mkoa wa Dodoma kuanzia kipindi cha Januari hadi Juni mwaka
huu.
Katika
mahojiano ofisini kwake na waandishi wa habari amesema kati ya
waliokamatwa wahamiaji wanne walihukumiwa vifungo kati ya miezi sita na
mwaka moja.
Pia
amebainisha kuwa, wahamiaji 34 walitozwa faini na kurudishwa nchini kwao
na kati ya hao watano walikuwa ni wanawake na wanaume wakiwa na 33.
Naibu
Kamishna huyo amezitaja nchi wanazotoka ni Kenya, Zambia, Afrika
Kusini,Jamhuri ya Kidemokrasia ya Watu wa Kongo na China na walipohojiwa
walisema walikuja kutafuta ajira Tanzania kwenye kazi mbalimbali kama
muziki, saluni na hata uuzaji wa bidhaa.
Amesema
sasa kumekuwa na mwamko mkubwa kwa wananchi juu ya kuwatambua
wahamiaji haramu na kutoa taarifa kwa viongozi wa maeneo husika kutokana
na elimu inayoendelea kutolewa kuanzia ngazi za juu hadi kwenye
vitongoji .
Norah
amesema Idara ya Uhamiaji inajipanga katika mikakati yake kukaa kwenye
vizuizi vya barabarani ili kuwabaini wahamiaji wanaosafirishwa kwa
kutumia mabasi, malori na njia nyingine.
Aidha
amewataka wananchi kukubali kushirikiana na Idara ya Uhamiaji Mkoa wa
Dodoma ili kulinda amani na kuwa wazi bila kuogopa kutoa taarifa.
Amesema
kuwa vyombo vya habari vimekuwa na mchango mkubwa kwa kutoa elimu na
kuelimisha wananchi ambao wametambua athari za kukaa na watu
wasiowatambua katika maeneo yao.
Post a Comment